Հուշամատյան -

Հուշամատյան

Բաց դաս ՀՀ ԱԺ-ում

2020 - 2021 ուստարի

Բաց դաս ՀՀ ԱԺ-ում

2020 - 2021 ուստարի

ՀՀ ԱԺ «Բաց դաս» ծրագրի շրջանակում մայիսի 4-ին ՀՀ ԱԺ նախագահի տեղակալ Վահե Էնֆիաջյանը հանդիպեց Երեւանի Անդրանիկ Մարգարյանի անվան թիվ 29 ավագ դպրոցի աշակերտների եւ ուսուցիչների հետ:Նա դպրոցականներին ներկայացրեց խորհրդարանի կառուցվածքը, խորհրդարանում ընդգրկված իշխող եւ ընդդիմադիր կուսակցությունների գործունեությունը, մշտական հանձնաժողովների աշխատանքը, օրինագծերի մշակման, քննարկման եւ ընդունման ընթացակարգերը: Դպրոցականներն ԱԺ նիստերի դահլիճի օթյակից հետեւեցին խորհրդարանում ընթացող նիստի աշխատանքներին, լուսանկարվեցին նիստերի դահլիճում, այցելեցին ԱԺ գրադարան եւ թանգարան:

Դիլիջանի միջազգային դպրոց

2015 - 2016 ուստարի

Դիլիջանի միջազգային դպրոց

2015 - 2016 ուստարի

27.09.2015թ. Ա.Մարգարյանի անվան թիվ 29 ավագ դպրոցի ուսուցիչներն ու աշակերտները` տնօրեն Ռ. Սարուխանյանի գլխավորությամբ, հյուրընկալվել էին Դիլիջանի միջազգային դպրոցում: Դպրոցի դասախոսներն ու այնտեղ արդեն սովորող ուսանողները սիրով ներկայացրին իրենց ուսումնական հաստատությունը, ծանոթացրին դպրոցի առօրյային և ծրագրերին, ապա դասախոսության ընթացքում մեր դպրոցի աշակերտների հետ քննարկեցին մի շարք հետաքրքիր թեմաներ: Շնորհակալություն հայտնելով հագեցած ու բովանդակալից օրվա համար` սիրով սպասում ենք Դիլիջանի միջազգային դպրոցի անձնակազմին և ուսանողներին մեր դպրոցում:

Լուսնի տոնը

2015 - 2016 ուստարի

Լուսնի տոնը

2015 - 2016 ուստարի

25.09.2015 թ. Ա.Մարգարյանի անվան թիվ 29 ավագ դպրոցում նշվում էր մի հետաքրքիր ու յուրահատուկ տոն: Սեպտեմբերի 25-ը Չինաստանում նշվում է կարևորությամբ երկրորդ՝ Լուսնի տոնը: Դպրոցում դասավանդող չինարենի ուսուցիչները նախ բաց դասի ընթացքում բացատրեցին օրվա խորհուրդը, տոնի ծագման հետաքրքիր պատմությունը, նրա նշանակությունը և թե ինչպես են Չինաստանում նշում այն: Ապա ներկաներին հյուրասիրեցին տոնի խորհրդանիշ համարվող լուսնային թղվածքաբլիթներ: Միջոցառման ավարտին դպրոցի բակում աշակերտները երկինք բաց թողեցին վառվող օդապարուկներ, որոնք ըստ չինական ավանդույթի խորհրդանշում են երազանքների իրականացում:

Չիներեն մեր դպրոցում

2014 - 2015 ուստարի

Չիներեն մեր դպրոցում

2014 - 2015 ուստարի

Սեպտեմբերի 1-ից Ա. Մարգարյանի անվան թիվ 29 ավագ դպրոցում հայտարարվում է չինարենի ուսուցման դասարանում սովորել ցանկացողների ցուցակագրումը: Դասընթացը իրականացնում են ՉԺՀ-ից հրավիրված մասնագետները: Ա. Մարգարյանի անվան թիվ 29 ավագ դպրոցի տնօրեն Ռ.Ժ. Սարուխանյանը դեռ վաղուց էր մտածում դպրոցում չինական մշակույթի և չինարենի ուսումնասիրության խմբակ ունենալու մասին: Եվ վերջապես այս տարի դա իրականացավ: Աշակերտները մեծ հետաքրքրությամբ և հաճույքով սկսել են ուսումնասիրել այդ հնագույն և յուրօրինակ լեզուն:26.09.2014թ. մեր դպրոցի ուսուցիչներն ու աշակերտները՝տիկին Սարուխանյանի գլխավորությամբ,մասնակցեցին Թատերական հրապարակում կազմակերպված տոնախմբությանը՝ նվիրված Կոնֆուցիոսի ինստիտուտի 10 ամյակին:

Աշակերտները քաղաքապետարանում

2011 - 2012 ուստարի

Աշակերտները քաղաքապետարանում

2011 - 2012 ուստարի

Երևանի քաղաքապետ Տարոն Մարգարյանը քաղաքապետարանում հյուրընկալել է մայրաքաղաքի Անդրանիկ Մարգարյանի անվան թիվ 29 ավագ դպրոցի 12-րդ դասարանի աշակերտներին: Ողջունելով պատանիներին` Տարոն Մարգարյանը նախ շնորհավորել է նրանց դպրոցը ավարտելու կապակցությամբ և մաղթել նորանոր հաջողություններ կյանքում:

Le Cafe de Paris

2017 - 2018 ուստարի

Le Cafe de Paris

2017 - 2018 ուստարի

Ա.Մարգարյանի անվան թիվ 29 ավագ դպրոցում տեղի ունեցավ գեղեցիկ միջոցառում՝ նվիրված ֆրանսիական մշակույթին։ Ֆրանսերեն լեզվի հմայքն ու հնչեղությունը դպրոցում գործող ֆրանսերենի խմբակի աշակերտների մատուցմամբ հանդիսատեսին մտովի տեղափոխեց Փարիզ,որն իր ճարտարապետական կոթողներով և երաժշտական նրաբագեղությամբ գերում է բոլորին։ Միջոցառմանը ներկա էին Երևանի Վ.Բրյուսովի անվան պետական լեզվահասարակագիտական համալսարանի ֆրանսերենի ամբիոնի վարիչ Ա. Արշակյանը և խնկո-ապոր անվան ազգային մանկական գրադարանի օտարալեզու գրականության բաժնի ղեկավար, ֆրանսերենի մասնագետ Գ. Իսրայելյանը, ովքեր հիացած աշակերտների վարժ ֆրանսերենով, հանդես եկան համագործակցության առաջարկներով։ Շնորհակալություն հայտնելով խմբակի ղեկավար Լ . Հովհաննիսյանին՝ դպրոցի տնօրեն Ռ . Սարուխանյանը նշեց, որ հերթական անգամ առիթ ունեցավ հիանալու և հպարտանալու իր սաներով։

Անվանակոչման 5 - ամյակ

2014 - 2015 ուստարի

Անվանակոչման 5 - ամյակ

2014 - 2015 ուստարի

12. 06. 2015թ. ՀՀ երջանկահիշատակ վարչապետ Անդրանիկ Մարգարյանի ծննդյան օրը նրա անունը կրող թիվ 29 ավագ դպրոցը նշում էր նաև կրթօջախի անվանակոչման 5-ամյակը: Օրվա առիթով կազմակերպված միջոցառմանը ներկա էին Երևանի քաղաքապետ Տարոն Մարգարյանը, ՀՀ ԱԺ փոխնախագահ Էդուարդ Շարմազանովը, պաշտոնատար այլ անձինք, բազմաթիվ հյուրեր: Կրթօջախի սաները, ներկայացնելով Անդրանիկ Մարգարյանի անցած ուղին ու գործունեությունը, նշել են, որ երիտասարդ սերունդն այսօր շատ բան ունի սովորելու ազգի մեծ նվիրյալից, ով հայրենասեր էր ի ծնե, ինչն ապացուցել է իր կյանքի ողջ ընթացքում: Նրանք նաև նշել են, որ առաջնորդվում են հենց Անդրանիկ Մարգարյանի պատգամներով, որոնք ուսուցանում են լինել հայրենասեր ու միշտ ապրել և գործել բարությամբ:

Պոլիտեխնիկի հյուրեր

2013 - 2014 ուստարի

Պոլիտեխնիկի հյուրեր

2013 - 2014 ուստարի

Մարտի 12 Հայաստանի պետական ճարտարագիտական համալսարանի (Պոլիտեխնիկ) Քիմիական տեխնոլոգիաների և բնապահպանական ճարտարագիտության ֆակուլտետը (ՔՏ և ԲՃ) «Բաց դռների օր» միջոցառման շրջանակներում ընդունեց Ա. Մարգարյանի անվան թիվ 29 ավագ դպրոցի աշակերտներին և ուսուցիչներին: Միջոցառման ընթացում ապագա դիմորդները հնարավորություն ունեցան ծանոթանալու ՔՏ և ԲՃ ֆակուլտետի կրթական ծրագրերին, ժամանակակից սարքավորումներով հագեցած լաբորատորիաներին, դասախոսական կազմին և այն բոլոր պայմաններին, որոնք ապահովում են որակյալ ճարտարագիտական կրթություն:

Մեծ երկրի փոքրիկ դեսպանը

2011 - 2012 ուստարի

Մեծ երկրի փոքրիկ դեսպանը

2011 - 2012 ուստարի

Մայիսի 10-ին <> միջոցառման շրջանակներում Հայաստանում <>-ի ներկայացուցչության կողմից կայացավ <> վերնագիրը կրող բաց դաս՝ նվիրված ֆաշիզմի դեմ տարած մեծ հաղթանակին: Դասն անցկացվում էր հեռուստակամրջով Երևանի Ա. Մարգարյանի անվան թիվ 29 ավագ դպրոցի և Մոսկվայի թիվ 221 դպրոցի աշակերտների մասնակցությամբ: Երևանում դասը վարոըմ էր ռուսաց լեզվի ուսուցչուհի Գայանե Աղասարյանը, ով իր երախտագիտությունն ու հարգանքը հայտնեց պատերազմի վետերաններին` իրենց քաջության և հերոսության համար:

Չինական Նոր Տարի

2017 - 2018 ուստարի

Չինական Նոր Տարի

2017 - 2018 ուստարի

28.02.2018թ. Ա. Մարգարյանի անվան թիվ 29 ավագ դպրոցում տիրում էր տոնական տրամադրություն։ Ավանդաբար նշվում էր չինական օրացույցով Նոր Տարին։ Միջոցառման առաջին հատվածում դպրոցի աշակերտները նախ ներկայացրին տոնի խորհուրդը և թե ինչպես է այն նշվում։ Այնուհետև անդրադարձան օրեր առաջ Կոնֆուցիոսի ինստիտուտի կողմից կազմակերպված ամենամյա ձմեռային ճամբարին, պատմեցին անցկացրած օրերի և այնտեղ ստացած նոր գիտելիքների մասին։ Չինարեն սովորող լավագույն աշակերտները դպրոցի տնօրենության կողմից արժանացան հատուկ պարգևների։ Միջոցառման ավարտին ներկաները պատրաստեցին Չինաստանում ամանորյա ավանդական ուտեստ համարվող չինական պելմենիներ։

Ա․ Գրիբոյեդովի 220 - ամյակ

2014 - 2015 ուստարի

Ա․ Գրիբոյեդովի 220 - ամյակ

2014 - 2015 ուստարի

02.06.2015թ. Ա.Մարգարյանի անվան թիվ 29 ավագ դպրոցում տեղի ունեցավ ցերեկույթ` նվիրված Ա.Գրիբոյեդովի 220 ամակին: Միջոցառման սկզբում Հայաստանում Ռուսաստանի գիտական և մշակութային կենտրոնի (Россотрудничество) ներկայացուցիչները պարգևատրեցին օրեր առաջ հայտարարված Ա.Գրիբոյեդովին նվիրված շարադրությունների մրցույթի հաղթողներին, ովքեր սովորում են ինչպես Երևանի, այնպես էլ ՀՀ տարբեր մարզերի դպրոցներում և համալսարաններում: Միջոցառման 2-րդ հատվածում մեր դպրոցի սաները ներկայացրին Ա. Գրիբոյեդովի կյանքին և գործունեությանը վերաբերող հետաքրքիր փաստեր` կարևորելով նրա դերը հայ և ռուս ժողովուրդների բարեկամության ամրապնդման գործում: Աշակերտները ներկայացրին նաև փոքրիկ հատվածներ Ա.Գրիբոյեդովի հայտնի պիեսներից: Հատուկ պատվոգրի Ռուսաստանի գիտական և մշակութային կենտրոնի կողմից արժանացավ Ա.Մարգարյանի անվան թիվ 29 ավագ դպրոցը` կազմակերպվող միջոցառումների և կրթական զանազան ծրագրերի անցկացմանն աջակցելու և ակտիվ համագործակցության համար:

Գիտելիքի օր

2013 - 2014 ուստարի

Գիտելիքի օր

2013 - 2014 ուստարի

01.09.2013 թ . Ա.Մարգարյանի անվան թիվ 29 ավագ դպրոցը տոնում էր միանգամից 3 իրադարձություն՝ Գիտելիքի օր, վերադարձ դեպի հարազատ շենք և ՀՀ վարչապետ Ա. Մարգարյանի կիսանդրու բացումը: Դպրոցը փոխվել էր արտաքնապես, բոլոր դասասենյակները կահավորվել էին նոր գույքով, համակարգչային սենյակը համալրվել են նորագույն տեխնոլոգիաներին համապատասխան տեխնիկայով, ամբողջովին համալրվել էին լաբորատորիաները և սենյակները: Այս հրաշալի տոնին ներկա էին շատ հայտնի հյուրեր՝ ԿԳ նախարար Արմեն Աշոտյանը, Երևանի քաղաքապետ Տարոն Մարգարյանը, Ա. Մարգարյանի ընտանիքը և պաշտոնատար այլ անձինք: Դպրոցի տնօրեն տիկին Ռ.Սարուխանյանի և հարգարժան հյուրերի ելույթից հետո դպրոցի աշակերտները ներկայացրին փոքրիկ համերգ, որից հետո հնչեց դպրոցական զանգը ՝ ազդարարելով նոր ուսումնական տարվա սկիզբը :

Բաց դաս Հովիկ Աբրահամյանի հետ

2011 - 2012 ուստարի

Բաց դաս Հովիկ Աբրահամյանի հետ

2011 - 2012 ուստարի

Ազգային ժողովի «Բաց դռներ»-ի քաղաքականության շրջանակներում խորհրդարանում հյուրընկալվել էին Երևանի Անդրանիկ Մարգարյանի անվան թիվ 29 ավագ դպրոցի մի խումբ աշակերտներ: Ազգային ժողովի հերթական քառօրյայի առաջին նիստին մասնակցելուց հետո նրանք հանդիպեցին Ազգային ժողովի նախագահ Հովիկ Աբրահամյանի հետ: Խորհրդարանի ղեկավարի անցկացրած հերթական «Բաց դաս»-ն շարունակվեց տարբեր թեմաների շուրջ անկաշկանդ զրույցով: