Ուսուցչի էջ

2016 - 2017 ուստարի

Մեկ ամսյակ սեմինարների և կոնֆերանսների

Ա. Մարգարյանի անվան դպրոցի վաստակաշատ ուսուցչուհի

2015 - 2016 ուստարի

2014 - 2015 ուստարի

Հատուկ պատվոգիր

02.06.2015թ. Ա.Մարգարյանի անվան թիվ 29 ավագ դպրոցում տեղի ունեցավ ցերեկույթ` նվիրված Ա.Գրիբոյեդովի 220 ամակին: Միջոցառման սկզբում Հայաստանում Ռուսաստանի գիտական և մշակութային կենտրոնի (Россотрудничество) ներկայացուցիչները պարգևատրեցին օրեր առաջ հայտարարված Ա.Գրիբոյեդովին նվիրված շարադրությունների մրցույթի հաղթողներին, ովքեր սովորում են ինչպես Երևանի, այնպես էլ ՀՀ տարբեր մարզերի դպրոցներում և համալսարաններում: Հատուկ պատվոգրի Ռուսաստանի գիտական և մշակութային կենտրոնի կողմից արժանացավ Ա.Մարգարյանի անվան թիվ 29 ավագ դպրոցը` կազմակերպվող միջոցառումների և կրթական զանազան ծրագրերի անցկացմանն աջակցելու և ակտիվ համագործակցության համար:

Շնորհակալագիր
<< Կենգուրու>>

<<Այբ>> կրթական հիմնադրամը և <<Կենգուրու>> ծրագրի ղեկավար Շ. Կարապետյանը հատուկ շնորհակալություն են հայտնում Նաիրա Կոսյանին իր կրթօջախում <<Կենգուրու>> միջազգային մաթեմատիկական մրցույթը պատշաճ մակարդակով կազմակերպ ելու և անցկացման համար:

Շնորհակալագիր
<< Ռուսսկիյ մեդվեժոնոկ>>

<<Այբ>> կրթական հիմնադրամը և <<Русский медвежонок>> ծրագրի ղեկավար Շ. Կարապետյանը հատուկ շնորհակալություն են հայտնում Գայանե Աղասարյանին:

Մի նկարի պատմություն

Երբ դաժան հոգնածությունից ծանրացած գլուխդ օրվա վերջում մի կերպ բարձրացնում ես աշխատասեղանից, երբ հոգնած քայլերդ ուղղում ես արդեն գիշերային լույսերով ողողված փողոց և մտածում , որ մանկավարժի ծանր ու պատասխանատու աշխատանքի գնահատականը դեռ չի տրվել , որ « լավդ թողած՝ վատդ թվարկող» լրագրողների բանակը հաղթել է բարի ու երախտապարտ , ազնիվ մարդկանց, երբ շատերը չեն հասկանում, որ չի կարելի նվաստացնել ուսուցչին և հետո նրանից արժանապատիվ սերունդ պահանջել, երբ փորձում ես տեղի տալ, ընկրկել՝ հայտնվում է բեմի վրա մոլբերտի մոտ նստած աղջնակը և ասում. « Ես եմ քո գնահատողը, ես եմ քեզ ժպիտ ու արցունք պարգևողը»:
Ռուզաննա Սարուխանյան
Ա.Մարգարյանի անվան թիվ 29 ավագ դպրոցի տնօրեն

Պատվոգրեր ՀՀ ՊՆ կողմից

28.01.2015թ. Երևանի Ա.Մարգարյանի անվան հ. 29 ավագ դպրոցում տեղի ունեցավ գեղեցիկ միջոցառում ՝ նվիրված հայոց բանակի օրվան: Միջոցառմանը մասնակցում էին ՀՀ ՊՆ Սպայի տան զորական երգչախումբը, Ղարաբաղյան պատերազմի վետերանների միության նախագահ Յուրի Հակոբի Միքայելյանը և Կենտրոն համայնքի զինկոմիսարիատի տրանսպորտի բաժնի պետ մայոր Վարդգես Վալերիկի Համբարձումյանը: Հատուկ պատվոգրեր ՀՀ ՊՆ կողմից ստացան դպրոցի զինղեկ Վլադիմիր Հովհաննիսյանն ու պատմության ուսուցչուհի Մարինե Գրիգորյանը:

Ամփոփիչ գիտաժողով

Դեկտեմբերի 12-ին, տեղի ունեցավ «Մանկավարժական նախաձեռնություն» հայկական ասոցիացիա հասարակական կազմակերպության տարեկան ամփոփիչ գիտաժողովը: Գիտաժողովին մասնակցում էին կրթության ոլորտի ներկայացուցիչներ:Գիտաժողովին մասնակցում էին կրթության ոլորտի ներկայացուցիչներ:Գիտաժողովին ողջույնի խոսքով հանդես եկան Ասոցիացիայի առաջին նախագահ Ալբերտ Անանյանը, Աժ պատգամավորներ Վահրամ Մկրտչյանը, Ռուզաննա Մուրադյանը, ԳԹԿ տնօրեն Գագիկ Մելիքյանը: Ժողովին մասնակցում էր նաև Գայանե Աղասարյան:

2013 - 2014 ուստարի

Վերապատրաստում դասընթացներ

2014թ. հունիսին մեր դպրոցի ուսուցիչները մասնակցել են վերապատրաստման դասընթացներին: Վերապատրաստումը հնարավորություն կտա ի մի բերելու իմացածը, հարստանացնելու գիտելիքների պաշարը, նաև ծանոթանալու նորագույն տեխնոլոգիաներով ու ծրագրերով աշխատելու հնարավորություններին։ Մեր ուսուցիչները, ինչքան էլ աշխատեն ու փորձ ձեռք բերեն, կանգ չեն առնում մի տեղում, անընդհատ փնտրում են և դասընթացների ժամանակ էլ ավելի են հմտանում։

Հայտարարվում է մրցույթ

Մրցույթն անցկացվում է երկու փուլով` թեստավորման եւ հարցազրույցի: Թեստավորման փուլն անցկացվում է` ըստ ՀՀ ԿԳՄՍՆ մշակած հարցաշարի: Հարցազրույցի փուլի հարցաշարը կազմում է հաստատությունը եւ յուրաքանչյուր մասնակցի հետ հարցազրույցն անցկացնում առանձին: Մրցույթին մասնակցելու համար պետք է ներկայացնել`

դիմում (Ձեւ 1), մեկ լուսանկար 3x4 չափի
բարձրագույն կրթությունը հավաստող փաստաթուղթ (դիպլոմ)
անձը հաստատող փաստաթուղթ
«Հանրակրթության մասին» ՀՀ օրենքի 26-րդ հոդվածի 1-ին մասին համապատասխան՝ աշխատանքային ստաժի վերաբերյալ տեղեկանք աշխատավայրից եւ աշխատանքային գրքույկի պատճենը (առկայության դեպքում)
ինքնակենսագրություն (Ձեւ 5)
այլ պետությունների քաղաքացիները` ՀՀ-ում աշխատելու իրավունքը հավաստող փաստաթուղթ
ՀՀ արական սեռի քաղաքացիները՝ նաեւ զինվորական գրքույկ
հրատարակված հոդվածների ցանկ կամ գիտական կոչումը հավաստող փաստաթղթեր (առկայության դեպքում)
որակավորման տարակարգ ունենալու դեպքում՝ հավաստող փաստաթուղթ:

Տնօրենի կողմից նշանակված պատասխանատու անձը փաստաթղթերի բնօրինակները համեմատում է պատճենների հետ եւ բնօրին ակները վերադարձնում: Եթե ներկայացված փաստաթղթերի ցանկն ամբողջական չէ կամ առկա են թերություններ, մասնակիցը կարող է մինչեւ փաստաթղթերի ընդունման ժամկետի ավարտը վերացնել եւ համալրել դրանք: Փաստաթղթերն ընդունվում են սույն հայտարարության հրապարակման օրվանից մինչեւ մայիսի 18-ը ներառյալ, ամեն օր` ժամը 10:00-ից 15:00-ը, բացի շաբաթ, կիրակի եւ այլ ոչ աշխատանքային օրերից: