Կրթություն -

Կրթություն

Գիրք կարդալու պատճառները

Գիրք կարդալը հարստացնում է բառապաշարը

Երբ դուք կարդում եք տարբեր ժանրերի ստեղծագործություններ, անպայման հանդիպում եք բառեր, որոնք դժվար թե լսեք առօրյայում: Այդ բառերից շատերի իմաստը կարելի է հասկանալ կոնտեքստից, մի մասն էլ հետաքրքրասերները նայում են բառարաններում ու էլ երբեք չեն մոռանում: Բացի նոր բառեր սովորեցնելուց, գիրք կարդալը նաև լավացնում է ձեր խոսքի գրագիտությունը:

Գիրք կարդալը օգնում է հեշտ շփվել մարդկանց հետ

Շատ կարդալու հաշվին լավանում է ոչ միայն ձեր գրագիտություը, այլև խոսքը ընդհանուր, ձեր միտքն ավելի ճկուն, հստակ ու գեղեցիկ է դառնում: Օրինակ` դասական ստեղծագործություններ կարդալը մարդու մեջ զարգացնում է լավ պատմելու ունակությունը: Կարդացած մարդիկ միշտ էլ շատ հետաքրքիր զրուցակից են:

Ընթերցանությունը մարդուն ինքնավստահ է դարձնում

Ինչքան շատ է մարդը կարդում, այնքան տեղեկացված է նա դառնում այս կամ այն թեմայի մասին: Ցանկացած թեմայից տեղյակ լինելը միշտ էլ ողջունվում է շրջապատի կողմից, իսկ դա ավելացնում է ինքնավստահությունը և բարձրացնում ինքնագնահատականը:

Գիրք կարդալը օգնում է հաղթահարել սթրեսը

Ժամանակակից աշխարհում սթրեսից ազատվելը մարդկանց մեծ մասի ամենածանր խնդիրն է: Գիրք կարդալուց մենք կտրվում ենք առօրյա կյանքից ու իրականությունից ու տեղափոխվում մեկ այլ աշխարհ, այլ իրականություն, որտեղ չկան մեր խնդիրներ:

Ընթերցանությունը լավացնում է հիշողությունը

Ընթերցելու ժամանակ սովորաբար պատկերացնում ենք շատ մանրամասներ՝ հերոսներին, նրանց հագուստը,կոլորիտը, շրջապատող իրերը: Իհարկե կարևոր է նաև հիշել բազում տերմիններ, որոնք հարկավոր են ստեղծագործությունը լիարժեք հասկանալու համար: Հենց դրա շնորհիվ էլ ընթերցանությունը մարզում է տրամաբանությունն ու լավացնում հիշողությունը:

Գիրք կարդալը օգնում է խուսափել Ալցգեյմերի հիվանդությունից

Գիտնականների և բժիշկների կարծիքով ընթերցանությունը մարզում է ուղեղը և այն անընդհատ տոնուսի մեջ պահում: Կարդալու ընթացքում մարդու ուղեղը կրկնակի արագ է աշխատում: Կարդալիս անհրաժեշտ է կենտրոնանալ ստեղծագործության բուն իմաստի, բովանդակության վրա, և չշեղվել կողմնակի իրադարձությունների վրա:

Ընթերցանությունը երիտասարդացնում է

Վաղուց ապացուցված է, որ մարդը ծերանում է, երբ ծերանում է նրա ուղեղը: Իսկ նախորդ կետում ասվածի համաձայն ` ընթերցանությունը ուղեղն անընդհատ պահում է լավ մարզավիճակում:

Ընթերցանությունը մեզ ավելի ստեղծագործ է դարձնում

Ստեղծագործ մարդիկ կարող են նախագծել միանգամից մի քանի հրաշալի գաղափար: Որտեղի՞ց են ծնվում այդ հրաշալի գաղափարները: Իհարկե գրքերից, ընթերցանությունից: Կարդալով գրքեր՝ մարդիկ կարող են այնտեղ հազար ու մի հետաքրքիր գաղափարի հանդիպել, որոնք շատ հանգիստ կարող են կյանքի կոչվել:

Ընթերցանությունը լավացնում է քունը

Վերջերս հաճախ ենք կարդում, որ քնելուց գոնե 3 ժամ առաջ չի կարելի նայել համակարգչի էկրանին. դա անքնության է հանգեցնում: Դրա փոխարեն կարելի է քնելուց առաջ մի լավ գիրք կարդալ: Այս ձևով դուք ոչ միայն կկարգավորեք ու կլավացնեք քունը, այլ նաև առավոտյան կզգաք ձեզ ավելի թարմ ու առույգ:

Դպրոցում դաստիարակչական հիմնական խնդիրներ

Համամարդկային արժեքների ձևավորում
Դաստիարակել հարգանք օրենքի նկատմամբ
Հարգանք աշխատանքի նկատմամբ
Ազգային, պատմամշակութային արժեքների պահպանում
Առողջ ապրելակերպի պահպանում

Դպրոցի գործունեության նպատակային ծրագրեր

Դասի մատուցման կատարելագործում
Դպրոցում դաստիարակչական գործունեության կազմակերպում
Առողջ կրթական միջավայրի զարգացում
Ժամանակակից կրթական մեթոդների և ձևերի ներառում և կիրառում